Brevis introductioHerrljunga circiter XC chilometris ab oriente parte Gothoburgi, urbis secundae Sueciae, sita est. Municipium Herrljungae decem milia fere incolarum habet. Gymnasium, Fons Scientiae appellatum, anno MIM constructum est, ubi nunc XXX magistri CCC discipulos docent. Gymnasium Suecanum octo ordines nationales habet, quorum tres sunt theoretici et quinque in rerum usu versantur ("practici").Ordines practici sunt: Ordo rei deversoriae et refectoriae Ordo rerum electricarum Ordo constructionum aedificiorum Ordo rerum naturalium scientiae Ordo technologiae informaticae Ordines theoretici sunt:
Ordo disciplinae socialis
Ordo rerum naturalium scientiae
Ordo scientiae technologicae
Gymnasium Sueciae
In Suecia discipuli novem annos scholam obligatoriam frequentare debent. In hac schola uniformi omnes discipuli eadem curricula studii habent, nulla data facultate cursus practicos aut theoreticos optandi. His studiis finitis sequitur gymnasium trium annorum in ordines dispertitum. Hi ordines aut practici aut theoretici sunt, sed omnibus discipulis, qui studiis finitis approbati sunt, accessus studiorum universitariorum patet, id est: etiam discipuli ordinum practicorum universitatibus nomen profiteri possunt. Ordines practici studiosos ad artes professionales praeparant, quod non faciunt ordines theoretici.
In Suecia examen maturitatis non est; testimonium finale ex media ratione omnium cursuum gymnasii finitorum datur. Haec ratio media aditum studiis universitariis dare potest. Est etiam tentamen speciale, quod in Suecia bis quotannis studiosis offertur. Bonus exitus huius tentaminis studiis academicis aditum dat. Plus de rebus scholasticis in Interrete invenies: http://www.skolverket.se/sb/d/368.
Ordines
Ordo rei deversoriae et refectoriae
Hic ordo discipulos ad artes professionales in provincia rei deversoriae et refectoriae praeparat. Pars informationis in sede aliqua laboris fit. Ibi discipuli cibum parare et epulis apponere discunt. Reditum harum cenarum discipuli classis tertiae ad iter in Turciam faciendum adhibere solent.
Ordo rerum electricarum
Discipuli rebus electricis, technicae digitali, communicationi computatoriae student. Informationi multum prodest societas Ascom Tateco AB, in universo terrarum orbe clarissima inter communicationem fili expertem. Plus de Ascon invenies: http://www.ascom.se.
Ordo constructorius
In provincia constructoria Sueciae quingenta milia hominum laborant. In ordine constructorio discipuli omnia de aedificiis construendis discunt.
Ordo rerum naturalium scientiae
Informatio cum Societate Tour et Andersson (vide: http://www.tourandersson.com) fit. Haec Societas optima omnium est inter valvulas accomodatorias systematum aqua portatorum caloris et frigoris. Discipuli machinamentis et gubernatione computatoria Societatis uti discunt; ibi etiam omnis instructio non-theoretica fit.
Ordo instrumentorum divulgationis/ technologiae informaticae
Hic ordo docet modos operandi in provincia informatica, e.g. productionem graphicam, “InDesign" et compositionem photographicam.
Ordo disciplinae socialis
Educatio theoretica materiae socialis et linguisticae datur. Discipuli linguas classicas, oeconomiam, artes sociales optare possunt.
Ordo rerum naturalium scientiae
Est educatio theoretica, ubi artes rerum naturalium dominantur. Discipulis facultas datur scientiis circumiectalibus aut mathematicae/ rei computatoriae studendi.
Ordo scientiae technologicae
In hoc ordine discipulis educatio varia rerum technicharum datur, ut actionem inter homines et artes technicas reciprocam melius intelligant. Licet etiam iis in campos aliquot profundius penetrare.
